Дәрілік заттар мен медициналық бұйымдарды мемлекеттік тіркеу, қайта тіркеу кезінде сараптама жүргізу үшін тауарлардың, жұмыстардың және көрсетілетін қызметтердің бағасы бекітілді
02.02.2021Қазақстан Республикасы Денсаулық сақтау министрінің м.а. 2021 жылғы 20 қаңтардағы № ҚР ДСМ-7 бұйрығымен мемлекеттік монополия субъектісі өндіретін және (немесе) өткізетін тауарларға, жұмыстарға, көрсетілетін қызметтерге бағалар бекітілді.
Аталған бұйрыққа сәйкес келесі тауарлар мен көрсетілетін қызметтердің бағасы бекітілді:
- бұйрықтың 1-қосымшасына сәйкес, ЕАЭК кеңесінің 2016 жылғы 3 қарашадағы № 78 шешімімен бекітілген дәрілік заттарды тіркеу және сараптау қағидаларына сәйкес дәрілік заттарды мемлекеттік тіркеу, қайта тіркеу және тіркеу дерекнамасына өзгерістер енгізу кезінде сараптама жүргізу және ЕАЭК кеңесінің 2016 жылғы 12 ақпандағы № 46 шешімімен бекітілген медициналық бұйымдарды тіркеу және олардың қауіпсіздігін, сапасы мен тиімділігін сараптау қағидаларына сәйкес медициналық бұйымдарды мемлекеттік тіркеу және тіркеу дерекнамасына өзгерістер енгізу кезінде сараптама жүргізу;
-бұйрықтың 2-қосымшасына сәйкес, ҚР заңнамасына сәйкес дәрілік заттар мен медициналық бұйымдарды мемлекеттік тіркеу, қайта тіркеу, тіркеу дерекнамасына өзгерістер енгізу, дәрілік заттар мен медициналық бұйымдардың «пайда-тәуекел» арақатынасын бағалау және дәрілік заттар мен медициналық бұйымдарға клиникалық зерттеулер жүргізу үшін материалдарды бағалау кезінде сараптама жүргізу;
-бұйрықтың 3-қосымшасына сәйкес, ҚР тіркелген дәрілік заттар мен медициналық бұйымдардың сапасына бағалау жүргізу.
Осы бұйрық күшіне енгеннен бастап төмендегі бұйрықтар өз күшін жояды:
- «Мемлекеттік монополия субъектісі көрсететін қызметтерге бағаларды белгілеу туралы» ҚР Денсаулық сақтау министрінің 2017 жылғы 31 тамыздағы № 671 бұйрығы;
- «Мемлекеттік монополия субъектісі көрсететін қызметтерге бағаларды белгілеу туралы» ҚР Денсаулық сақтау министрінің 2017 жылғы 31 тамыздағы № 671 бұйрығына өзгерістер енгізу туралы» ҚР Денсаулық сақтау министрінің 2019 жылғы 30 қыркүйектегі № ҚР ДСМ-130 бұйрығы.
Осы бұйрық алғашқы ресми жарияланған күнінен кейін, яғни осы жылдың 27 қаңтарынан бастап күнтізбелік он күн өткен соң қолданысқа енгізіледі.
Құжаттың толық нұсқасымен сілтемеден танысуға болады: http://adilet.zan.kz/kaz/docs/V2100022096