Қазақстанда дәрілік заттарды таңбалау ережесі бекітілді

Қазақстан Республикасы Денсаулық сақтау министрінің бұйрығымен Дәрілік заттар мен медициналық бұйымдарды таңбалау ережесі бекітілді.

Бекітілген тәртіпке сәйкес қаптамадағы таңбалау дәрілердің әрбір сериясы үшін бірыңғай үлгіде болады және қаптаманың әрбір бірлігіне мемлекеттік және орыс тілдерінде дәрілік заттарды өндіруші ұйым немесе қаптаушы кәсіпорын жүзеге асырады.

Дәрілік препараттың қаптамасына мыналарды түсіруге болады:

- голографиялық және қорғаныс белгілері, Брайль қарпін пайдаланумен таңба мәтінінің телнұсқасын жасау, тұтынушыға ақпаратты түсінікті ұқтыруға мүмкіндік беретін символдар мен пиктограммаларды орналастыру;

- рецептісіз босатылатын препаратты медициналық қолдану жөніндегі нұсқаулық мәтіні;

- ақпарат толық бірдей болған жағдайда басқа тілдерде таңбалау мәтіні; ;         - штрих-код.

Құрамында белсенді заттардың әртүрлі мөлшері бар сол бір дәрілік нысандағы дәрілік препарат қаптамасының дизайны түсті рәсімделуі жағынан ерекшеленеді.

Айта кету керек, қаптамадағы таңбалау анық, түсінікті, оңай көрінетін және өшірілмейтін әріптермен түсіріледі. Қаптамадағы қаріп оқылымды болуы тиіс және белгіленген сақтау шарттары қадағаланғанда дәрілік заттың бүкіл жарамдылық мерзімі бойына сақталады.

Бұдан басқа, егер дәрілік препараттың  құрамында «Есірткі, психотроптық заттар, олардың аналогтары мен прекурсорлары және олардың заңсыз айналымы мен теріс пайдаланылуына қарсы іс-қимыл шаралары туралы» ҚР Заңына сәйкес бақылауға жататын заттар болса, онда осы заттардың атаулары және олардың мөлшері салмақ бірлігінде немесе пайызбен міндетті түрде көрсетіледі..

Дәріхана жағдайларында дайындалған дәрілік препараттар тұрғылықты  халыққа мемлекеттік және орыс тілдеріндегі тұтынушыларға арналған ақпарат көрсетілген тиісті заттаңбасы бар бастапқы қаптамада босатылады. Медициналық эмблема белгіленген Ережелерге сәйкес рәсімделеді.

Құжаттың толық мәтінімен сілтеме бойынша танысуға болады:

http://adilet.zan.kz/kaz/docs/V2100022146