Вашингтон қ. «Тиісті фармакопеялық практика (GPhP)» Нұсқаулығының жобасын талқылау бойынша әлем фармакопеяларының 5-ші Халықаралық жиналысы өтті

2015 жылдың 20-22 сәуірінде Вашингтон қаласында «Тиісті фармакопеялық практика (GPhP)» Нұсқаулығының жобасын талқылау бойынша әлем фармакопеяларының 5-ші Халықаралық жиналысы өтті.

Құжаттарды әзірлеу 2012 жылдан бастап фармакопеялық стандарттарды жаһандық деңгейде гармонизациялау үшін ДДҰ Дәрілік заттардың спецификациялары бойынша Сараптамалық комитетінің қолдауымен жүзеге асырылады. Тиісті фармакопеялық практика (GPhP) фармакопеялық стандарттарды жоспарлау, әзірлеу, жариялау және тарату жөніндегі ұлттық және аймақтық фармакопеялық органдар үшін нұсқаулық болып табылады. 

Жиналыс жұмысына ДДҰ, Еуропа Кеңесінің Дәрілік заттардың сапасы жөніндегі Еуропа директораты (EDQM), АҚШ Фармакопеялық конвенциясы, Бразилия, Ұлыбритания, Вьетнам, Үндістан, Индонезия, Қазақстан, Қытай, Корея, Мексика, Таиланд, Украина, Жапония регуляторлық және фармакопеялық органдары қатысты.   

Қазақстан Республикасының өкілдері әлем фармакопеяларының барлық отырыстарының тұрақты қатысушылары. 5-ші отырыста республикамыздың атынан ҚР ДСӘДМ «Дәрілік заттарды, медициналық мақсаттағы бұйымдарды және медицина техникасын сараптау ұлттық орталығы» РМК жетекші мамандары - ҚР Мемлекеттік фармакопеясының бас редакторы профессор А.О.Төлегенова Конвенцияның ресми делегаты ретінде және сарапшы Э.Бекболатова қатысты.

GPhP нұсқаулығында баяндалған принциптер мен тәсілдер Қазақстан Республикасы Мемлекеттік фармакопеясының дамуы мен жетілуі үшін ерекше мәнге ие.