ДЗСҰО бас директоры «MedTech» медициналық техника бойынша III Халықаралық форумға қатысты

Бүгін «Денсаулық сақтау» Astana Zdorovie»-2023 Қазақстандық Халықаралық көрмесі аясында «MedTech» медициналық техника бойынша III Халықаралық форумы өтті.

Іс-шара стратегиялық сессиямен басталып, оның барысында медициналық техникамен жабдықтауға кешенді көзқарас, медициналық техникамен жабдықтау процестерін сатып алу, автоматтандыру және оны оқшаулау сияқты тақырыптар талқыланды. Сессия жұмысына Қазақстанның денсаулық сақтау вице-министрі Вячеслав Дудник, «Дәрілік заттар мен медициналық бұйымдарды сараптау ұлттық орталығы» ШЖҚ РМК бас директоры Еркен Даутбаев, «СК-Фармация» ЖШС басқарма төрағасы Ерхат Есқалиев, «Turar Healthcare» КЕАҚ, Philips, «Ақтөбрентген» АҚ, «Ordamed» АҚ, «Олимп КДЗ» өкілдері қатысты .

Вячеслав Дудник Мемлекет басшысының медициналық жабдықтарды сатып алуды орталықтандыру туралы тапсырмасына сәйкес өткен жылы алғашқы орталықтандырылған сатып алу жүргізілгенін еске салды: жалпы сомасы 20 млрд теңгеге 177 бірлік медициналық техника сатып алынып, өңірлерге бөлінді, үнемдеу 3 млрд теңгеден асты. Биылғы жылы вице-министрдің айтуынша, үнемдеу шамамен 4 млрд теңгені құрайды.