ДЕНСАУЛЫҚ САҚТАУ МИНИСТРЛІГІ 3/1: 20922
2.9.22. ЛИПОФИЛЬДІ НЕГІЗДЕГІ СУППОЗИТОРИЙЛЕРДІҢ ТОЛЫҚ
ДЕФОРМАЦИЯ УАҚЫТЫН АНЫҚТАУ
Сынау суппозиторийлерді суға салған сәттен бастап белгілі бір қолданылатын массаға
қарсылық тоқтатылғанға дейін берілген жағдайларда деформациялану уақытын анықтауға
арналған.
А АСПАБЫ
Аспап (2.9.22.-1-суретті қараңыз) ішкі диаметрі 15.5 мм және ұзындығы шамамен 140 мм
шыны түтіктен тұрады. Түтік диаметрі 5.2 мм болатын алынбалы полимерлі қақпақпен
жабылады. Аспапта диаметрі 5.0 мм, түбіне қарай диаметрі 12 мм-ге дейін кеңейтілген
өзек бар. Ұзындығы 2 мм және диаметрі 1 мм болатын металл ине жалпақ астыңғы
жағына бекітіледі.
Өзек екі бөліктен тұрады: полимерлі материалдан жасалған төменгі бөлік және белгілі бір
массасы бар дискі бекітілген полимерлі материалдан немесе металдан жасалған жоғарғы
бөлік. Жоғарғы және төменгі бөліктер бір-бірімен қосылған (қол нұсқасы) немесе
ажыратылған (автоматтандырылған нұсқасы). Өзектің барлық массасы 30 ± 0.4 г құрайды.
Өзектің жоғарғы жағында жылжымалы таңбалау сақинасы бар. Шыны түтікке енгізілген
таяқша түбіне жеткенде, таңбалау сақинасы полимер қақпақтың жоғарғы жиегінің
деңгейіне сәйкес келеді.
Әдістеме. Ішінде 10 мл су бар шыны түтік температурасы (36.5 ± 0.5) °C болатын су
моншасына орналастырады. Шыны түтікті тігінен бекітеді және су моншасының түбіне
тиіп тұрмайтындай етіп, оны беткейінен кемінде 7 см тереңдікке батырады.
Суппозиторийді үшкір ұшын төмен қаратып түтікке орналастырады, содан кейін металл
ине суппозиторийдің жалпақ ұшына тимегенше, еркін сырғитын полимер қақпағы бар
өзекті енгізеді. Түтікті қақпақпен жабады (уақыт есебін бастау). Шыны түтіктің түбіне
жету үшін қажетті уақытты және таңбалау сақинасын полимер қақпағының жоғарғы
жиегіне дейін көтеру уақытын белгілейді.
2
2.9.22.-1-сурет- Липофильді суппозиторийлердің деформация уақытын өлшеуге арналған
А аспабы (өлшемі миллиметрмен)
В АСПАБЫ
Аспап (2.9.22.-2-суретті қараңыз) су моншасынан (В) тұрады, оған тығынның көмегімен
бекітілген ішкі түтік (А) кіріктірілген. Ішкі түтіктің түбі тығынмен жабылады. Аспап
термометрмен жабдықталған және екі кірістірмесі бар:
– екі ұшынан да дәнекерленген, төменгі ұшында қорғасын бытырадан жасалған жиегі
бар, түтік түріндегі шыны өзек (С1); өзектің массасы 30 ± 0.4 г құрайды;
- суппозиторийге арналған кеңейтімі бар түтіктегі массасы (7.5 ± 0.1) г өзектен тұратын
енетін кірістіру; екі бөлігі де тот баспайтын болаттан жасалған.
3
Әдістеме. Ішкі түтікке (А) температурасы (36.5 ± 0.5) °С болатын 5 мл су құяды,
суппозиторий үшкір ұшын төмен қаратып енгізеді және оған кірістірмені (С1 немесе С2)
қояды. Берілген мезет пен ішкі шыны түтіктің тарылған бөлігінің жиегі (C1) немесе болат
өзегі (C2) бар шыны өзектің төменгі ұшына жеткен мезет арасындағы уақытты белгілейді.
Бұл жағдайда суппозиторийлердің балқуын немесе еруін толық деп санайды.
2.9.22.-1-сурет - Липофильді суппозиторийлердің деформация уақытын өлшеуге арналған
В аспабы (өлшемі миллиметрмен)