ДЗСҰО Ғылыми-білім беру орталығында «GDP стандарты» оқыту семинары өтті

Ғылыми-білім беру орталығында медицина ғылымдарының магистрі, ДЗСҰО инспекция департаментінің басшысы Фарида Макееваның «Тиісті дистрибьюторлық практика» (GDP) стандарты» тақырыбында оқыту семинары өтті.

Семинар басында дәріскер тиісті дистрибьюторлық практика ережелерінің пайда болуының алғышарттарын еске салып, қазақстандық заңнамаға сәйкес дистрибьюторлар GDP стандартын сақтауға міндетті екенін айтты. «Дистрибьюторлар - дәрілік заттарды жеткізу тізбегінің маңызды буыны. GDP стандарттарын сақтау міндетті,  сонымен қатар пациент алдындағы жауапкершілік», - деп атап өтті дәріскер.

Қазақстандағы тиісті тәжірибелердің соңғы редакциялары өткен жылы бекітілген және ЕАЭО шеңберінде бекітілген стандарттармен ортақ негізге ие. Дәріскер GDP стандартының мазмұнын ашып, сапа жүйесі кепілдік беретін негізгі тармақтарды атап өтті, үй-жайлардың гигиенасына қойылатын талаптар, міндетті құжаттаманың тізбесі туралы айтып, мәселенің нормативтік-құқықтық базасына тоқталды. Семинар барысында тыңдаушылар сұрақтар қойып, іс-шара интерактивті режимде өтті.

Айта кетейік, Ғылыми-білім беру орталығының оқу бағдарламалары аясында бұл тақырып бірнеше рет көтеріледі. Спикердің айтуынша, жақсы дистрибьюторлық тәжірибе стандарты – бұл әртүрлі тәсілдермен жүзеге асырылатын философияның бір түрі. Оқыту инспекторат тарапынан да, бизнес тарапынан да GDP стандартын дұрыс түсініп, қабылдауға ықпал етеді.