Елордада бірқатар жаңа денсаулық сақтау нысандарын ашу жоспарлануда
15.01.2013Астана қалалық Денсаулық сақтау басқармасының мәліметі бойынша елордада денсаулық сақтаудың бірқатар жаңа нысандарын ашу жоспарлануда. Олар - сол жағалаудағы 500 адам қабылдайтын амбулаториялық-емхана кешені, 250 төсектік балалардың жұқпалы аурулар ауруханасы, 150 адамдық емханасы бар 250 төсектік медициналық-әлеуметтік оңалту орталығы, ауысымына 350 адам қабылдайтын ересектер емханасы, сондай-ақ, ауысымына 150 бала қабылдайтын емхана. Бұл туралы Аstana.kz сайтынан хабарланды.
«Денсаулық сақтау мен ұлт денсаулығы біздің келешегіміздің негізі болып табылады. Мұны өзінің Қазақстан халқына арнаған биылғы «Қазақстан - 2050» Стратегиясы: қалыптасқан мемлекеттің саяси бағыты Жолдауында Елбасы Нұрсұлтан Назарбаев атап көрсеткен болатын. Еске салайық, Астанада соңғы 2012 жылдың 1 желтоқсанында ашылған медицина нысаны - ауысымына 500 адам қабылдайтын жаңа амбулаториялық-емхана кешені болып табылады», - делінген хабарламада.
Aқпарат inform.kz сайттынан алынды