Фармакологиялық қадағалау жүйесін инспекциялау
«Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі Кодексінің (бұдан әрі – ҚР Кодексі) 244-бабының 6 – тармағына сәйкес Қазақстан Республикасы Денсаулық сақтау министрінің 2021 жылғы 27 қаңтардағы № ҚР ДСМ-9 бұйрығымен Тиісті фармацевтикалық практикалар бойынша фармацевтикалық инспекциялар жүргізу қағидалары (бұдан әрі-Қағидалар) бекітілді.
Фармацевтикалық инспекциялар ҚР Кодексінің 244-бабының 3-тармағында көзделген жағдайларда жүргізіледі.
Сараптама ұйымы барлық тіркеу куәліктерін ұстаушылар немесе тіркеу куәлігі ұстаушысы фармакологиялық қадағалау бойынша міндеттемелерді орындау үшін қатыстырған өзге ұйымдардың тиісті фармакологиялық қадағалау практикасына (GVP) сәйкестікке инспекциялар жүргізеді.
Тіркеу куәлігін ұстаушының фармакологиялық қадағалау жүйесінің Тиісті фармакологиялық қадағалау практикасының (GVP) талаптарына сәйкестігіне инспекция жүргізу үшін өтініш беруші «Экспертиза» порталында сараптама ұйымымен шарт жасасуы қажет.
Фармацевтикалық инспекциялар бойынша қызметтердің құнымен сараптама ұйымы сайтының «Технологиялық қызмет түрлеріне бағалар прейскуранты» бөлімінде танысуға болады.
Фармацевтикалық инспекция жүргізуге шарт жасасқаннан және ақы төлегеннен кейін Қағидалардың 11-тармағына сәйкес құжаттар тізбесін, қашықтықтан инспекция жүргізу үшін Қағидаларға 4-қосымшаға сәйкес қосымша құжаттарды ұсыну қажет.
Тіркеу куәліктер ұстаушылардың фармакологиялық қадағалау жүйесінің инспекциясын жүргізу үшін өтініш беруші, ҚР ДСМ м.а. 2021 жылғы 04 ақпандағы № ҚР ДСМ-15 «Тиісті фармацевтикалық практикаларды бекіту туралы» бұйрығының 6-қосымшасына 93-тармағына сәйкес сұраным алынғаннан кейін 7 күннен асырмай фармакологиялық қадағалау жүйесінің мастер-файлын ұсыну тиісті.