Мемлекеттік тіркеу шеңберіндегі GLP инспекциялары
«Халық денсаулығы және денсаулық сақтау жүйесі туралы» 2020 жылғы 7 шілдедегі Қазақстан Республикасы Кодексінің (бұдан әрі – ҚР Кодекс) 244-бабының 6 – тармағына, Қазақстан Республикасы Денсаулық сақтау министрінің 2021 жылғы 27 қаңтардағы № ҚР ДСМ-9 бұйрығына сәйкес тиісті фармацевтикалық практикалар бойынша фармацевтикалық инспекциялар жүргізу қағидалары (бұдан әрі-Қағидалар) бекітілді.
Сараптама ұйымы ҚР Кодексінде 244-бабының 3-тармағы 2 тармақшысында көзделген жағдайларда мемлекеттік тіркеу шеңберінде Қазақстан Республикасының тиісті зертханалық практикасының (GLP) сәйкестігіне инспекциялар жүргізеді.
Қазақстан Республикасының тиісті зертханалық практикасының (GLP) сәйкестігіне инспекция жүргізу туралы хабарлама алған кезде өтініш берушіге «Экспертиза» порталындағы «жеке кабинет» арқылы сараптама ұйымымен тиісті зертханалық практиканың (GLP) сәйкестігіне инспекция жүргізуге шарт (бұдан әрі – Шарт) жасасу қажет.
Шарт жасалғаннан кейін өтініш беруші төлемге өтінім беруге және Қағидалардың 3-қосымшасында көрсетілген құжаттар тізбесіне сәйкес құжаттарды жеке кабинет арқылы жүктеу тиіс.
Фармацевтикалық инспекциялар бойынша қызметтердің құнымен сараптама ұйымы сайтының «Технологиялық қызмет түрлеріне бағалар прейскуранты» бөлімінде танысуға болады.
Ескертпе: Қағидалардың 14-тармағына сәйкес инспекцияны ұйымдастырудың және жүргізудің ұзақтығы өтініш беруші немесе тіркеу куәлігінің ұстаушы фармацевтикалық инспекциялау жүргізуге өтініш берген күннен бастап күнтізбелік 120 күннен аспауы қажет.